ચૂંટણી કમિશનરોની નિમણૂકના કાયદા પર સુપ્રીમ કોર્ટના બે જજોના અલગ અભિપ્રાય.

નવી દિલ્હી, 23 સપ્ટેમ્બર: મુખ્ય ચૂંટણી આયુક્ત—CEC અને અન્ય ચૂંટણી આયુક્તોની નિમણૂક માટેના વર્ષ 2023ના કાયદાની બંધારણીય માન્યતાને પડકારતી અરજીઓ અંગે સુપ્રીમ કોર્ટના બે ન્યાયાધીશોએ અલગ-અલગ અભિપ્રાય આપ્યા છે. પરિણામે આ મહત્ત્વપૂર્ણ બંધારણીય વિવાદ હવે યોગ્ય સંખ્યાબળ ધરાવતી બંધારણીય બેન્ચની રચના માટે ભારતના મુખ્ય ન્યાયાધીશ સમક્ષ મોકલવામાં આવ્યો છે. જસ્ટિસ દીપાંકર દત્તા અને જસ્ટિસ સતીશચંદ્ર શર્માની ખંડપીઠ સમક્ષ પ્રશ્ન હતો કે 2023ના કાયદા સામેની અરજીઓની સુનાવણી હાલની બે સભ્યોની બેન્ચ કરે કે મામલો પાંચ ન્યાયાધીશોની બંધારણીય બેન્ચને સોંપવામાં આવે. જસ્ટિસ દીપાંકર દત્તાએ કેસ બંધારણીય બેન્ચને મોકલવાની અરજી સ્વીકારવાની જરૂર ન હોવાનું જણાવ્યું હતું.

Gujarat Mail Editorial DeskPublished: 23 Sept 2026, 5:53 pm

▶ સમાચાર સાંભળો

Sharef𝕏◉⧉